የድል በር ትምህርት ቤት የስፖርት ማዘወተርያ ተመረቀ።

ኤሴቅ ዲኮርና ኢቨንት ኦርጋናይዘር በድል በር ሁለተኛ ደረጃ ትምህርት ቤት በአንድ ሚሊዮን ብር ወጪ በማድርግ በትምህርት ቤቱ ቅጥር ጊቢ ውስጥ የስፖርት ማዘወተርያ ሰርቶ ለትምህርት ቤቱ አበረከተ።

ድል በር አጠቃላይ 2ኛ ደረጃ ትምህርት ቤት በጉለሌ ክፍለ ከተማ በወረዳ 07 ሰሜን ማዘጋጃ ከፍብሎ ሸገር መናፈሻ ተብሎ በሚጠራው አካባቢ የሚገኝ ሲሆን ትምህርት ቤቱ በ1994 ዓ.ም የተመሠረተ ሲሆን “ትምህርት ለትውልድ” በሚል መሪ ሀሳብ ዛሬ ህዳር 1 ቀን 2015 ዓ.ም የቀድሞ ተማሪዎች ፣ ከፍተኛ የመንግስት አመራሮች እንዲሁም ጥሪ የተደረገላቸው እንግዶች በተገኙበት በድምቀት ተመርቋል።

በዛሬው መርሐግብር ኢትዮጵያ በማርሻል አርት ስፖርት ስሟን ከፍ አድርገው ያስጠሩ ስፖርተኞችን ፣ የመጀመሪያው የትምህርት ቤቱ ርዕሰ መምህር እንዲሁም ለትምህርት ቤቱ የስፖርት እና ሜዳ ስራ አስተዋጽኦ ያበረከቱ የተለያዩ ተቋማት እና ግለሰቦች ኤሴቅ ዲኮርና ኢቨንት ኦርጋናይዘር እና ትምህርት ቤቱ የምስጋና ወረቀት እና የጋቢ ሽልማት አበርክተዋል።

የድል በር ትምህርት ቤት ምድረ ግቢ ለሰራተኞች ፣ ለመምህራን እና ለተማሪዎች ምቹ ከማድረግ ባሻገር የተማሪዎች ቁጥር ከጊዜ ወደ ጊዜ መጨመሩን ተከትሎ ተጨማሪ የህንጻ ግንባታ ለማከናወን በዝግጅት ላይ በመሆኑ የአካባቢው ነዋሪዎች የትምህርት ቤቱ የቀድሞ ተማሪዎች እንዲሁም መላዊ ኢትዮጵያውያን ትምህርት ቤቱ ለዚህ በከፈተው የኢትዮጵያ ንግድ ባንክ ቁጥር 10000114416127 ድጋፍ እንዲያደርግ መልዕክት አስተላልፏል።

617000cookie-checkየድል በር ትምህርት ቤት የስፖርት ማዘወተርያ ተመረቀ።no