በፈጣን ምግቦች በማቅረብ እና ቅርንጫፎቹን በማስፋት ላይ የሚገኘው ኢን-ጆይ በርገር ለአራት የበጎ አድራጎት ተቋም ለእያንዳንዳቸው የ250ሺህ ብር በድምሩ የአንድ ሚሊዮን ብር የገንዘብ ስጦታ በዛሬው እለት አበርክቷል።
ላለፉት ሁለት ወራት “የክረምት በርገር ፌስቲቫል ” በሚል በአዲስ አበባ ከተማ በሚገኙ 8 ቅርንጫፎች ሲካሄድ የነበረው ልጆችን እና ቤተሰብን አሳታፊ ጨዋታዎች የማጠናቀቂያ መርሃግብር ሰሚት በሚገኘው የኢን-ጆይ በርገር ቅርንጫፍ ዛሬ መስከረም 12 ቀን 2016 ዓ.ም ተከናውኗል።
ኢን-ጆይ በርገር በአፍሪካ ትልቁ የፈጣን ምግብ አቅራቢ ለመሆን እየሰራ እንደሚገኝ የተናገሩት የድርጅቱ ባለቤት እና ዋና ስራ አስኪያጅ አቶ ሳለአምላክ አንዳርጌ በቅርቡ በክልል ከተሞች እንዲሁም በምስራቅ አፍሪካ እና በመካለኛው ምስራቅ ሀገራት ቅርንጫፎቹን ለመክፈት በሂደት ላይ እንደሚገኝ ገልጸው በዛሬው የክረምት በርገር ፌስቲቫል ማጠናቀቂያ መርሐግብር ላይ ለሜሪ ጆይ ኢትዮጵያ ፣ ለሙዳይ የበጎ አድራጎት ፣ ለመሠረት ፋውንዴሽን እና መቀመጫውን ጎንደር ከተማ ላደረገው የቀድሞ አዳሪ ትምህርት ቤት ተማሪዎች መርጃ ድርጅት ለተባሉ ልጆች ላይ እየሰሩ ለሚገኙ የበጎ አድራጎት ተቋማት ለእያንዳንዳቸው የ250ሺህ ብር በድምሩ የአንድ ሚሊዮን ብር የገንዘብ ስጦታ ማድረጋቸውን ገልጸዋል።
በፌስቲቫሉ ማጠናቀቂያ መርሐግብር ላይ የኢን-ጆይ በርገር ደንበኞች ፣ ጥሪ የተደረገላቸው እንግዶች እና የበጎ አድራጎት ተቋማት ተገኝተዋል።
ከተመሠረተ 13 አመታትን ያስቆጠረው ኢን-ጆይ በርገር ከ350 በላይ ለሚሆኑ ሠራተኞች ቋሚ የስራ እድል ፈጥሯል።
597900cookie-checkኢን- ጆይ በርገር የአንድ ሚሊዮን ብር ስጦታ ሰጠ።
