ኪ ሃውሲንግ ተመዝጋቢዎች ለ174 እድለኞች የቤት እጣ ወጣላቸውኪ ሃውሲንግ ፋይናንስ ሶሉሽን ለአራተኛ ጊዜ ባ…

ኪ ሃውሲንግ ተመዝጋቢዎች ለ174 እድለኞች የቤት እጣ ወጣላቸው

ኪ ሃውሲንግ ፋይናንስ ሶሉሽን ለአራተኛ ጊዜ ባካሄደው የቤት እድለኞች መለያ መርሃ ግብር በትናትናው እለት ለ174 እድለኞች እጣ ወጥቶላቸዋል።

መርሃ ግብሩ ትናንት ባለ እድለኞቹ በተገኙበት የተከናወነ ሲሆን፥ በ83 ሺህ 145 ብር ቅድመ ክፍያ እና በወር ከ2 ሺህ ብር ጀምሮ በቁጠባ ለሚሳተፉ የህብረተሰብ ክፍሎች የቤት ባለቤትነት እድል እየሰጠ ይገኛል።

ኩባንያው ወደ ገበያው ከገባ አንድ ዓመት ከስድስት ወራት በሆነ ጊዜ ውስጥ በአዲስ አበባ በስድስት የተለያዩ ቦታዎች እና በባህርዳር ከተማ በመቶዎች የሚቆጠሩ ዜጎችን የቤት ባለቤት እንዳደረገ በመርሐግብሩ ላይ ተገልጿል።

በአሁኑ ወቅትም 20 ሺህ የሚደርሱ አባላት እንዳሉት የገለጸው ኪ ሃውሲንግ፥ “ኪ መንደር” የተሰኘ የመኖሪያ መንደር ለመገንባት በዝግጅት ላይ መሆኑን በእጣ አወጣጥ መርሐግብሩ ላይ ተገልጿል።