Search
Search

የየሺህ ጋብቻ ካርኒቫልና ኤክስፖ አዘጋጅ ያሜንት ኢቬንትስ ከባህልና ስፖርት ሚኒስቴር ጋር የመግባቢያ ሥምምነት ተፈራረመ።

Share Post ►

በያሜንት በኩል የየሺህ ጋብቻ ካርኒቫልና ኤክስፖ አዘጋጅ ያሜንት ኃ/የተ/የግ/ማህበር ፕሬዚዳንት አስናቀ አማኑኤል፣ በባህልና ስፖርት ሚኒስቴር በኩል ደግሞ የባህልና ቋንቋ ልማት ዘርፍ ሚኒስትር ዴኤታ ወርቅነሽ ብሩ ስምምነቱን ተፈራርመዋል።

የሺህ ጋብቻ ካርኒቫልና ኤክስፖ የሚያዘጋጀው የጋብቻ ሥነ ስርዓት እንደ ሀገር አቀፍ የቤተሰብ ፕሮጀክት እንዲዘልቅና የህዝብ ለህዝብ ትስስርንና መተማመን እንዲጠናከር ብሎም የሀገሪቷን የቱሪስት መስህብ ዕድሎችን በማስፋፋት ረገድ ሥምምነቱ የጎላ እንደሚሆን ተገልጿል።

200 ሙሽሮች በልዩ ልዩ ኢትዮጵያዊ የባህል አልባሳትና ማጌጫዎች ተውበው የሚጋቡበት የሺህ ጋብቻ ላይ ልማቶችን ለማስተዋወቅ፣ የአለም አቀፋዊ ቱሪስቶችን ትኩረት ለመሳብ የሚችሉ ማህበራዊና ባህላዊ ትዕይንቶች የሚቀርቡ በመሆናቸው፤ በአጠቃላይ ኢትዮጵያ ያላትን አቅም ለዓለም አቀፉ ማህበረሰብ ለማሳየት የሺህ ጋብቻ ካርኒቫልና ኤክስፖ ምቹ አጋጣሚ ይፈጥራል ተብሏል።

በጥር ወር መጀመሪያ የሚካሄደው የሺህ ጋብቻ ካርኒቫልና ኤክስፖ 2016 ከሩብ ሚሊዮን በላይ ሰዎች ይጎበኙታል ተብሎ ይጠበቃል።

Share Post ►

Trending Today

You may also like

Leave a Comment

* By using this form you agree you are responsible for what you comment.