Search
Search

የአስቻለው ፈጠነ አልበም ነገ ይለቀቃል

Share Post ►

በ”እናትዋ ጎንደር” እና “ካሲናው ጎጃም” በተሰኙት ሙዚቃዎቹ ከፍተኛ ተወዳጅነትን ያተረፈው ድምጻዊ አስቻለው ፈጠነ “አስቻለ” የተሰኛውን የሙዚቃ አልበም ነገ ጥር 3 ቀን 2016ዓ.ም አርብ ማታ በቡርቧክስ ሬከርድስ ዩቱዩብ ቻናል እንደሚለቀቅ ድምጻዊው በዛሬው እለት በቤስት ዌስተርን ሆቴል በሰጠው ጋዜጣዊ መግለጫ ላይ አሳውቋል።

ድምጻዊ አስቻለው ፈጠነ በመግለጫው ላይ እንደተናገረው የሙዚቃ አልበም ከአማርኛ ቋንቋ በተጨማሪ ትግርኛን፣ ኦሮምኛን ፣የጉምዝ እና አገወኛ ቋንቋን የያዘ ሲሆን ይህ ስራ እንዲሳካ ላደረጉ ተቋማት እና ግለሰቦች ምስጋናውን አቅርቧል።

ድምፃዊ ፣ የዜማ ፣ ግጥም ፣ ደራሲ እና የክራር ተጫዋች አስቻለው ፈጠነ ከሰራቸው ትራኮች መካከል ዘጠኙ በቅርቡ በሞት የተለየው ለአቀናባሪ እና ለሙዚቃ ባለሙያው ለነበረው ለእስራኤል መስፍን መታሰቢያ ይሆናል ተብላል።

ከዚህ በተጨማሪም ብዙ ባህላዊ መሳሪያዎችን በአልበሙ እንደተጠቀመ የተገለፀ ሲሆን ከ20 በላይ አጃቢዎችም እንደተካተቱበት ተጠቁሟል፡፡

Share Post ►

Trending Today

You may also like

Leave a Comment

* By using this form you agree you are responsible for what you comment.