Search
Search

እናት ባንክ ለ60 እናቶች ቤተሰባዊ የበዓል ስጦታ አበረከተ !

Share Post ►

እናት ባንክ ከ”እንደዜጋ ማህበራዊ እንደራሴ” ከተሰኘ አገር በቀል ድርጅት ጋር በጋራ በመተባበር በአዲስ አበባ ከተማ የጎዳና ፅዳት ላይ ለሚሰሩ እና ከዚህ ቀደም የ”እናት ለእናትን”ስልጠና ለወሰዱ 60 እናቶች፤ “ቋይእቶን” የተሰኘ፤ የእቶንን እና የቋያን ጥምር ቃል የያዘ የከሰል ማንደጃ መጪውን የመውሊድ እና የመስቀል በዓል ምክንያት በማድረግ የበዓል ስጦታ ካሳንቺስ በሚገኘው እናት ባንክ ዋና መስሪያ ቤት ትናንት መስከረም 12 ቀን 2016 ዓ.ም የባንኩ ከፍተኛ አመራሮች በተገኙበት አበርክቷል።

ከስጦታው መርሐግብር ባሻገር እናት ባንክ የእናቶቹን የገቢ አቅም ማሳደግ እና በዘላቂነት በኢኮኖሚ ለማብቃት ዓላማ ያደረገ የሦስትዮሽ የመግባቢያ ስምምነት ከእንደ ዜጋ እና አነጋ ኢንጅነሪንግ ከተሰኙ ተቋማት ጋር በትብብር ለመስራት ተፈራርሟል።

እናት ባንክ ከተመሠረተበትና እየተገበረ ካለው የተሟላ የባንክ አገልግሎት አቅርቦት በተጓዳኝም ከሌሎች ተቋማት ጋር በትብብር በመሥራት ማኅበረሰብን የመጥቀም አካሔድ ወደፊትም ዘርፈ ብዙና ለተለያዩ የማኅበረሰብ ክፍሎች የሚጠቅሙና ችግር ፈቺ በሚሆኑ ሥራዎች ላይ በስፋት አጠናክሮ እንደሚቀጥል በመድረኩ ላይ ተገልጿል።

Share Post ►

Trending Today

You may also like

Leave a Comment

* By using this form you agree you are responsible for what you comment.