Search
Search

ታላቁ ሩጫ በኢትዮጵያ 2 ሚሊየን ብር ለመሰብሰብ ያለመለት ሌሎችን ለመርዳት እሮጣለሁ ዘመቻ አላማውን ሊያሳካ ነው።

Share Post ►

የ2016 የሶፊ ማልት ታላቁ ሩጫ በኢትዮጵያ አለም አቀፍ 10 ኪ.ሜ. የገቢ ማሰባሰቢያ ዘመቻ ከ1.7 ሚሊዮን ብር በላይ መሰብሰቡን የሩጫ አዘጋጆቹ አስታውቀዋል፡፡ ውድድሩ እሁድ ህዳር 9 ቀን 2016 ከመካሄዱ በፊትም የ2 ሚሊዮን ብር ግቡን ለማሳካት እየሰራ መሆኑም ታውቋል።


የታላቁ ሩጫ በኢትዮጵያ የቻሪቲ እና ሞቢላይዜሽን ኦፊሰር የሆነው አብዱራዛቅ አላዊ የዘንድሮውን ዘመቻ ስኬታማነት የገለፁት ‘’የዘንድሮው ዘመቻ ከሀገር ውስጥም ሆነ ከአለም አቀፍ ለጋሾችን በመሳብ ላይ የተመሰረተ ነው። በተለየም የኦን ላይን ፕላትፎርም የሆነው የ GivenGain ስብሰባ ማሰባሰቢያ ከኢትዮጵያ ውጭ ዕርዳታ ማድረግ ለሚፈልጉ ሁሉ ለመርዳት ቀላል መንገድ ከፍቷል፣ በተጨማሪም በአዲስ አበባ ውስጥ ካሉ ግለሰቦች እና ድርጅቶችም ጥሩ ድጋፍ ማግኘታችንን ቀጥለናል።’’በማለት ነው፡፡


በገቢ ማሰባሰቢያ ላይ የኃይለ ገብረስላሴ የፎቶ ባዮግራፊ ሽያጭ እና ቲሸርት ሳይገዙ ያመለጣቸው ከሚያከናውኑት ግብይትም ገንዘብ ተሰብስቧል። “Run For Life” የተሰኘ አንድ የገቢ አሰባሳቢ ቡድን ከ40 የቡድን ተሳታፊዎቻቸው 100,000 ብር በህብረት ለመሰብሰብ በማለም ህዳር 9 የሚያበቃ የ100 ቀን የተለያዩ እስፖርታዊ እንቅስቃሴዎችን የማድረግ ቻሌንጅ አዘጋጅተዋል።

ዘንድሮ በልዩ ሁኔታ የተሰራ ሜዳሊያ ለ50 ተሳታፊዎችም ተዘጋጅቷል፡፡ ይህን ሜዳልያ የሚያገኙት ተሳታፊዎች እያንዳንዳቸው ከውድደሩ ቀን በፊት ቢያንስ 27,500 የኢትዮጵያ ብር የሰበሰቡ ናቸው። ይህም ገንዘብ በዘንድሮው ሌሎችን ለመርዳት እሮጣለሁ ዘመቻ ተጠቃሚ ለሚሆኑት የ3ቱ ክልል ሴቶች ለ አንድ ሴት የቢዝነስ መልሶ ማቋቋሚያ የሚውል ተመጣጣኝ ገንዘብ ነው።


ብዙ ተሳታፊዎች ሌሎችን ለመርዳት ሮጣለሁ ላይ ለመሳተፍ ያላቸውን ፍላጎት ከግምት በማስገባት አብዱራዛቅ “የቤተሰብን የገቢ ምንጭ መልሶ ለመገንባት የሚያግዝ የገንዘብ ማሰባሰብ ላይ መስራት በጣም የሚያስደስት ስራ ነው በተጨማሪም ለመላው ማህበረሰብ ትልቅ ተጽእኖ ማምጣቱም የማይካድ ነው ይህንንም ብዙ ተሳታፊዎች ተረድተውታል” ብለዋል።

Share Post ►

Trending Today

You may also like

Leave a Comment

* By using this form you agree you are responsible for what you comment.