Search
Search

በ200 ሚልየን ብር ወጪ ተገዝቶ የተገጣጠመ የዲጅታል ማስታወቂያ ስክሪን ተመረቀ

Share Post ►

ኢሳያስ ማስታወቂያ ከሁለት መቶ ሚሊዮን ብር በላይ ወጭ በማድረግ አራት ኪሎ አደባባይ አካባቢ ዝግጁ ያደረገውን  የዲጂታል ማስታወቂያ ስክሪን ዛሬ ወደ ስራ እንዲገባ አድርጓል፡፡

በማስጀመሪያ ስነ ስርዓቱ ላይ ከከተማ አስተዳደሩ የተወከሉ ሃላፊዎችና ሌሎችም እንግዶች ተገኝተው ነበር፡፡

ድርጅቱ በከተማ አስተዳደሩ ባገኘው የማስታወቂያ ቦታ ከሁለት መቶ ሚሊዬን ብር በላይ ዘመናዊ የዲጅታል ማስታወቂያ ስክሪን አራት ኪሎ አደባባይ ላይ አስገጥሞ ለአገልግሎት ብቁ ምድረጉን አስታውቋል።

ኢሳያስ ማስታወቂያ ስራዎች በሃገሪቱ ካሉ ጠንካራ የማስታወቂያ ስራ ድርጅቶች መካከል አንዱ ሲሆን በርካታ የማስታወቂያ ስራዎችን በመስራት የሚታወቅ መሆኑ በመርሐግብሩ ላይ ተነስቷል።

ኢሳያስ ማስታወቂያ የዲጅታል ማስታወቂያ ስክሪን ባሁኑ ሰአት አራት ኪሎ ላይ ያስገጠመ ሲሆን በከተማው በ25 ቦታዎችም ለመግጠም መዘጋጀቱን ተናግሯል።

በምረቃ ስነ ስርአቱ ላይ የተገኙት የአዲስ አበባ የግንባታ ፍቃድ እና ቁጥጥር ባለስልጣን ምክትል ዳሬክተር አቶ ዳዊት ሁንዴሳ፣ ዘመናዊ የሆኑ የመልእክት ማስተላለፍያዎች የከተማዋን ውበት ከመጠበቅ አንጻር ሚናቸው የጎላ ነው ብለዋል።

በሌላ መልኩ ደግሞ መልእክቶች ባልተገባ መንገድ እንዳይተላለፍ ቁጥጥሩን ማጥበቅ ያስፈልጋል ብለዋል።

ዘመናዊ ከተማ ለመገንባት ዘመናዊ የመልእክት ማስተላለፍያዎች ሊኖሩ ይገባል ያሉት ዳሬክተሩ፣ ሌሎችም ተመሳሳይ ድርጅቶች ይህንን መንገድ እንዲከተሉ መልእክታቸውን አስተላልፈዋል።

ኢሳያስ ማስታወቂያ ከሚሰራቸው የማስታወቂያ ፣ የህትመትና የጋርመንት ስራዎች በተጨማሪ ደግሞ ማህበራዊ ኃላፊነቱን ለመወጣት ደግሞ ኢሳያስ ፋውንዴሽን የተሰኘ የበጎ አድራጎት ድርጅት መስርቶ ለአርባ እናቶችና ህፃናት ላለፉት አስር ዓመታት የመጠለያ ፣የምግብና የትምህርት ቁሳቁስ እገዛ በማድረግ ላይ ይገኛል።

ኢሳያስ ማስታወቂያ በበርካታ ሀገራዊ ማህበራዊ ጉዳዮች ላይም የጎላ ተሳትፎ በማድረግ የማይዘነጋ አሻራ አስቀምጧል።

Share Post ►

Trending Today

You may also like

Leave a Comment

* By using this form you agree you are responsible for what you comment.