Search
Search

ሽታዬ ስዊት ሆቴል በቀጣይ ሳምንት ይመረቃል።

Share Post ►

ሰባት አመታት በግንባታ ላይ የነበረው ሽታዬ ስዊት ሆቴል በቀጣይ ሳምንት የካቲት 23 ቀን 2016 ዓ.ም ጥሪ የተደረገላቸው ከፍተኛ የመንግስት አመራሮች ፣ለሀገር ዋጋ የከፈሉ አባት እና እናት አርበኞች ፣ የተለያዩ የመገናኛ ብዙሃን ባለሙያዎች፣ እንዲሁም ጥሪ የተደረገላቸው እንግዶች በተገኙበት እንደሚመረቅ የሆቴሉ ዋና ስራ አስኪያጅ አቶ አዳም በቀለ ለመገናኛ ብዙሃን ተቋማት በሰጡት መግለጫ ላይ ገልጸዋል።

ሽታዬ ስዊት ሆቴል በ600 ካ.ሜ ላይ ያረፈ G+15 ከ 1 ቤዝመንት ጋር ያለዉ ሲሆን በቂ መኪና ማቆሚያም እካቷል። ሆቴሉ ከ200 በላይ ለሚሆኑ የሀገራችን ዜጎች የስራ እድል እንደፈጠረ ተገልጿል።

ሆቴሉ 65 የየራሳቸው ማብሰያ ክፍሎች ያላቸዉ ሰፋፊ ምቹ እና ዘመኑ ያፈራቸውን መገልገያዎችን የያዘ ቢሆን ለየት የሚያደርገዉም የፔንትሀዉስ ክፍል ምርጫ ማለትም ባለአራት ክፍል መኝታ ቤት ከነሳሎንና ኪችን ኮኔክቲንግ ( connecting ) ወይም እንደ አስፈላጊነቱ የሚከፈቱና የሚዘጉ ተጓዳኝ ክፍሎችን በብዛት የያዘ ነዉ፡፡ ሁሉም የመኝታ ክፍሎች ለቤተሰብም ሆነ ለግል ቆይታ ምቾትን እንዲፈጥሩ ታስበው የተዘጋጁ ናቸው፡፡

ሽታዬ ስዊት ሆቴል ዘመናዊና ከፍተኛ ኢንቨስትመንት በጠየቁ ግብአቶች የተደራጀ እና የተሟላ አገልግሎትን የሚሰጡ የስብሰባ አዳራሾች፣ ባር እና ሬስቶራንት፣ ላውንጅ፣ ፣ ካፌ እና ሌሎች አገልግሎቶችን ለመስጠት ተዘጋጅቷል፡፡

በቀጣይም በማስፋፊያ ፕሮጀክቱ የባሀል አዳራሽ ፣ የመዋኛ ስፍራ እንዲሁም የልጆች መጫወቻ እና ሰፊ የሰርግና የስብሰባ አዳራሾች ለመጨመር በዝግጅት ላይ ይገኛል።

ሽታዬ ስዊት ሆቴል የባለሀብቶቹ የንግድ የጠለቀ እዉቀትና ልምድ በመቀመር በአዲስ አበባ ከተማ ወሎ ሰፈር ጎርጎሪዮስ አደባባይ ፊት ለፊት የተገነባ ዓለም ዓቀፍ ሆቴል ሲሆን ለሀገሪቱ የጭስ አልባ ኢንዱስትሪ አንድ ተጨማሪ የቱሪስት ሆነ የውጭ ምንዛሪ ማስገኛ ተቋም ይሆናል ተብሎ ይጠበቃል፡፡

Share Post ►

Trending Today

You may also like

Leave a Comment

* By using this form you agree you are responsible for what you comment.