Search
Search

ላዳ ታክሲዎች በዘመናዊ ተሽከርካሪዎች መቀየር ተጀመረ !

Share Post ►

አሚጎስ የገንዘብ ቁጠባ እና ብድር ህብረት ስራ ማህበር  በአዲስ አበባ ለረዥም ጊዜ የታክሲ አገልግሎት የሠጡትን ላዳ ተሽከርካሪዎችን በዘመናዊ መኪናዎች በመቀየር ለባለንብረቶቹ ዛሬ ታህሳስ 15 ቀን 2016ዓ.ም ፒያሳ ጊዮርጊስ አካባቢ በሚገኘው በህብረት ስራ ማህበር ዋና መስሪያ ቤት  አስረከበ።

«ህብረት ለስምረት» በሚል መሪ ቃሉ የሚታወቀው
አሚጎስ የገንዘብ ቁጠባ እና ብድር ህብረት ስራ ማህበር ለሶስተኛ ዙር 17 ለሚሆኑ የላዳ ታክሲ ባለንብረቶች አዲስ የሆኑ  እና ዘመናዊ ተሽከርካሪዎች በ30 በመቶ ቅድመ ክፍያ በሶስት ወራት ውስጥ በብድር አማራጭ መስጠቱን የተቋሙ የኮርፖሬት ሴልስ ዲፓርትመን ሄድ ኃላፊ አቶ እንዳልካቸው በኃይሉ  የገለጹ ሲሆን በሶስቱም ዙር 42 ለሚሆኑ አሽከርካሪዎች በአዲስ መኪና መቀየራቸውን ለመገናኛ ብዙሃን ባለሙያዎች ገልጸዋል።

አሚጎስ የገንዘብ ቁጠባ እና ብድር ህብረት ስራ ማህበር በአዋጅ ቁጥር 147/91 እና ይሄንን አዋጅ ለማሻሻል በወጣዉ አዋጅ ቁጥር 402/96 መሰረት ተመዝግቦ የሚንቀሳቀስ የገንዘብ ቁጠባ እና ብድር ህብረት ስራ ማህበር ነዉ።

አሚጎስ የገንዘብ ቁጠባ እና ብድር ህብረት ስራ ማህበር በዘጠኝ ሺህ ብር መነሻ ካፒታል ጀምሮ አሁን ላይ ከአንድ ነጥብ አምስት ቢሊየን ብር  በላይ ካፒታል መድረሱን አቶ እንዳልካቸው በኃይሉ ተናግረው መጭውን የገና በዓል ምክንያት በማድረግ በአጭር ጊዜ እና በአነስተኛ ቁጠባ  ለተለያዩ አላማዎች የሚውል ብድር እስከ በዓሉ  ዋዜማ ድረስ መዘጋጀቱን ገልጸዋል።

ማህበሩ ላለፋት አስራ አንድ አመታት ከሰባት ሺህ በላይ አባላትን በማቀፍ እንዲሁም ለሶስት ሺህ ያህል ሰዎች የብድር አገልግሎትን በመስጠት በርካቶች ስራቸውን እንዲያስፋፉ እና ስራ እንዲፈጥሩ እንዲሁም ራሳቸውን እና ቤተሰቦቻቸዉን ወደተሻለ ህይወት እንዲቀይሩ እየሰራ ይገኛል።

Share Post ►

Trending Today

You may also like

Leave a Comment

* By using this form you agree you are responsible for what you comment.