Search
Search

“ሆራ ቴክ˝ የተባለ አዲስ የሶፍትዌር አበልፃጊ ካምፓኒ ሆራ ኮርፖሬት መመስረቱን አስተዋወቀ።

Share Post ►

ሆራ ኮርፖሬት ግሩፕ “ሆራ ቴክ” የተሰኘ አዲስ የሶፍትዌር ማበልፀጊያ ካምፓኒን ትናንት ማምሻውን በስካይ ላይት ሆቴል በተዘጋጀ መርሐ ግብር ላይ ይፋ አድርጓል።

በኢትዮጵያ የመጀመሪያው እና አዲስና ከ1ሚሊየን ዶላር በላይ ወጪ የተደረገበት እንዲሁም በሚቀጥለው 5 አመታት ከ10 ሚሊየን ዶላር በላይ ኢንቨስት የሚደረግበት የሶፍትዌር ግንባታ ድርጅት ለበርካታ ዜጎች የስራ እድል የፈጠረ እና በሃገራችን የቴክኖሎጂ እድገት በዘርፉ የሰለጠነ ባለሞያ ለማፍራት እንዲሁም የቴክኖሎጂ ሽግግር ለመፍጠር እየሠራ መሆኑም በመርሐግብሩ ተገልጿል።

የሶፍትዌር ማበልፀጊያው በተለያዩ ተቋማት ያሉ አሰራሮችን በይበልጥ ከማዘመን ባለፈ ተቋማት ለአገልግሎት አቅራቢዎች የሚከፍሉትን የውጭ ምንዛሪ የሚያስቀር ሲሆን ከሀገር ውስጥ ባለፈም የተለያዩ ሶፍትዌሮችን በማበልፀግ ወደ ውጪ ለመላክ መዘጋጀቱም ተገልጿል ።

በዘርፉ እጅግ ከፍተኛ ዕውቀትና ልምድ ባላቸው ባለሙያዎች የተዋቀረ የቴክኖሎጂ ቡድን ያለው ሲሆን በቀጣይም ለበርካታ ወጣቶች የስራ ዕድል እንደሚፈጥር ተነግሯል ።

ይፋ የተደረገው ካምፓኒ ዲጂታል ኢትዮጵያን ዕውን ለማድረግ የሚደረገውን ጉዞ በማገዝ ረገድ ትልቅ ሚና እንደሚኖረው ተጠቁሟል ።

ድርጅቱ ሆራ ኮርፖሬት ግሩፕ ከተመሰረተ ከ20 ዓመታት በላይ ያስቆጠረ እና በተለያዩ የሥራ ዘርፎች ላይ ተሰማርቶ የሚገኝ ድርጅት ሲሆን በዋናነት የቡና ኤክስፖርት፣ የአውቶሞቲቭ መገጣጠሚያ፣ የሪል እስቴት፣ የሎጂስቲክስ እና የማዳበሪያ ከረጢትን በማምረት ላይ የተሰማራ ተቋም ሲሆን ለሀገራችን ኢኮኖሚ ማደግ የበኩሉን አስተዋፅ እየተወጣ ይገኛል፡፡

Share Post ►

Trending Today

You may also like

Leave a Comment

* By using this form you agree you are responsible for what you comment.